有睇我YouTube片同Instagram既baby應該分別都見我分享咗兩款照顧唔同部位既CurrentBody Skin LED Mask。 一款係全面而另一款淨係眼部，大家睇完分享都不斷問我究竟應該揀邊部。咁不如今日等我同大家以文字方式講解一下等你哋可以慢慢睇同埋要揾翻個post又容易啲！
CurrentBody Skin LED Light Therapy Mask (LINK)
呢個之前有YouTube片講解，如果未睇可以睇左先:
好喇，呢個LED Light Therapy帶咗之後真係好似未來戰士，係咪？呢個我呢幾個月都一直大愛當中，因為我見到有幾個效果係好明顯：
✅ 用完膚色明顯白淨同均勻
✅ 降紅: 皮膚比較紅既時候用完佢無咁紅
✅皮膚比較穩定無咁易起敏感(touch wood)
✅皮膚緊緻度有提升同埋好彈手
✅額頭條紋有淡左既跡象
講得係LED即係佢用光學原理。 佢係用紅光633nm同近紅外線830nm去做我上面所講既效果。 亦因為係家用產品，所以安全係屋企用，無down time，亦只係得一個製開關。 我最鍾意佢夠方便，洗乾淨塊面（乜都唔洗搽）帶住佢開機，10分鐘就自己熄機，搞掂！ 之後可以搽翻自己skincare。唯獨有兩件事要留意，你見個mask都好近眼位同埋佢啲光都勁，所以我建議你做呢部機嗰10分鐘合埋眼休息放鬆一下，熄左機都唔好即刻開眼，俾多一分鐘等對眼有時間調節一下先開眼會好好多。 另外就係光學既treatment都會令細胞比之前活躍左，所以你一定要俾多啲野佢地食效果先會更加靚，記得保濕要做好做足！ 我自己一星期做呢部機兩至三次，效果非常滿意！ 如果你有皮膚敏感（什至係玫瑰痤瘡），想抗老減紋加彈力，或者想面色keep住明亮均勻，我都好建議你入手！ 係貴，但係貴買平用！
CurrentBody Skin LED Eye Perfector (LINK)
因為用左面個部好滿意，所以我又對呢部專針對眼位既Eye Perfector心動。 呢部我玩左唔算好耐，但係有幾個功效我暫時見到都明顯：
✅減黑眼圈眼部位置明亮
✅眼部位置比較緊緻
✅眼紋淡咗
呢部都係LED但係波長唔同喇，因為係專針對眼，眼同面用既野都唔同啦，何況係需要既光呢！ 呢部用左黃光605nm，紅光633nm，深紅光660nm同埋近紅外線880nm。 用法同面個部一樣，不過呢部就只需要3分鐘，即係一首歌既時間就搞掂。 亦因為需要既時間好短，所以呢部我一星期做成5-6次（一星期最多做6次）！ 哈哈！！ 你唔覺得帶住好有型咩？
– USE CODE HAKME TO GET 15% OFF –
兩部只可以買一部點揀呀
兩部都有效果，如果淨係可以揀一部，我覺得你可以先睇下自己邊個部位需要多啲愛與關懷。 我自己係先入手面個部，因為當時成日都會面紅紅，面部問題比較多，所以我想搞好佢。 如果你面部問題比眼部問題多，咁當然先揀面個部啦。 但係如果你掉轉，咁我覺得你揀眼部既比較啱你需要。另外一個問題就係面嗰部都好近眼，咁都應該照到啦。 係架，但係有一樣野要留意，如果你黑眼圈好勁深，面個部係幫你成面連眼白淨啲，係同一個度數咁一齊白咗，即係話唔會眼圈位可以白多啲，面白少啲，咁樣整翻面連眼同一個色呀。 所以如果眼圈好深既係要用眼個部淨係做眼位，咁做做下色tone就唔會同面色差太遠呀！
好喇，希望呢個post幫到你揀啱你既LED Mask啦。 記得如果買既時候check out用code HAKME慳錢呀，有85折㗎！撳呢度直去佢哋網站再了解下啦！
