今次我又搵到隱藏驚喜餐廳，其實佢係cafe但係我哋去食晚餐同埋我見佢menu都多野揀，所以我放佢入餐廳呢個系列😆今次食法國菜Le Reveur at Flower Market ，大家有興趣記得save底個post，咁就唔會揾唔返啦♥️
夜晚有二人餐，價錢係HK$498。 我初初仲諗係兩個人合共價錢定係每人呢，原來係合共呀！ Starter, Entree, Main Course各揀兩款，唔包甜品，另外各加HK$25就可以自選咖啡或茶。
🍽食物👇🏻
Starters
⭐️ 西班牙羊奶芝士及烤提子多士(一件)👉🏻呢個幾得意，我覺得冇好勁既芝士味，如果怕芝士味都接受到，食到提子味多啲㗎！
⭐️蛋黃醬蟹肉、青瓜(一件)👉🏻呢個好新鮮好食，有清新既青瓜味但又食到幾濃既蟹味！ 推介！
Entrees
⭐️BB菠菜及風乾蕃茄意式蛋餅，水耕沙律菜 👉🏻黎到個下我哋嚇一嚇，乜咁大碟呀😆沙律夠新鮮而個蛋餅又軟綿綿，味道屬於比較淡，好多人都應該會接受到。我超鍾意食蛋所以我覺得好食。
⭐️劍魚腩 Taraki、牛油果蓉、鹽漬西瓜、葵花子👉🏻呢個Mr Honey無睇清楚就點，劍魚入面係生既同埋好實。 我覺得除非你本身好鍾意呢個煮法既劍魚，否則應該就未必識欣賞😅我都唔特別愛。
Main Course
⭐️越式橄欖油餵飼豬腩肉、烤露筍、菠蘿莎莎👉🏻呢個好驚喜，豬腩肉整得好脆同埋入口即溶咁feel呀！ 仲要多數食豬腩肉都怕食完覺得好肥膩個感覺，但係因為佢配咗菠蘿莎莎，酸酸哋又有少少辣辣哋中和翻，感覺啱啱好。 呢個要試呀！
⭐️油封鴨腿, 防風草, 青金桔汁👉🏻呢個係因為我無得去法國住所以特別點黎懷念一下。 同我係法國食既差唔多，煮得好淋，鴨腿肉都仲係juicy唔鞋。 配個青金桔汁一絕，令成件事清新翻既感覺！
🍰甜品👇🏻
⭐️腐乳巴斯克焦香芝士蛋糕 HK$68👉🏻呢個我見到個名嗰陣好有保留😅淨係見到腐乳嗰兩個字我都唔係好敢叫，但係我又好想話俾大家知究竟好唔好食所以就叫咗😆答案係: 好食呀♥️一定要試，我覺得好特別，個腐乳味唔係太濃啱啱好，連Mr Honey唔知腐乳係乜都覺得好好食
⭐️焦糖反烤蘋果撻HK$78👉🏻好清楚見到一片片蘋果，因為佢有肉桂喺入面所以我自己就一般啦，但係我見Mr Honey食得好開心(肉桂fans🤣)，我自己都係覺得腐乳芝士蛋糕特別啲🤣
🍹飲品👇🏻
⭐️Piccolo Latte HK$35 (原價)👉🏻短笛咖啡比較適合鍾意重少少咖啡味唔鍾意咁多奶嘅朋友♥️好飲，咖啡味夠香夠濃
⭐️Flat White HK$42 (原價)👉🏻呢杯我都覺得好有水準，飲咗一啖之後個尾段有少少奶茶feel幾特別而且好滑👍🏻呢杯我都覺得好有水準
💲有加10％服務費。
💁🏻♀️喺花園街入邊竟然有一間裝修得咁靚嘅餐廳/cafe，有少少好似搵到寶咁嘅感覺♥️坐位都OK唔會逼到人疊人咁，都舒服！服務都好好，店員不斷留意客人需要啲乜嘢主動問👍🏻唯一係上菜時間有少少尷尬，大家點左唔同嘅Starter, Entree同主菜，每一款嘅上菜時間都有唔同，如果大家會share就冇問題，大家一路分享住一個starter再等另一個starter😅但係如果大家諗住自私食嘅話，咁可能會有一個人食完另一個人嗰碟都仲未上。但係呢樣嘢都無損我推薦呢間餐廳😆份量黎講我覺得以呢個價錢係抵食同埋有驚喜👍🏻我覺得就算你唔去食晚餐，都好值得行開嗰頭嘅話晏晝過去飲杯咖啡食件蛋糕👉🏻可以save低呢個post當參考 😌
🤔綜合評分(10分滿分啦)：
環境: 7.5/10
食物: 7.5/10
服務: 7.5/10
抵食: 7.5/10
整體: 7.5/10
🍴餐廳：Le Rêveur At Flower Market
📍地址：太子花園街244-246號惠寧閣地下B號舖
☎️電話：98814170
📲有無得Open Rice book位：有 (link)
